Oblys ortalyǵynda 4 emhana jumys isteıdi. Árqaısysyna shamaman 70-80 myń adam bekitilip berilgen .Esesine dárigerlerge túsetin júkteme kóp.
Medısınalyq qyzmettiń talapqa saı kórsetilýine jańadan boı kótergen Bereke yqsham aýdanynda turatyn 30 myń adam zárý. Qazir olar osy mańdaǵy jalpy aýmaǵy 150 sharshy metrdi quraıtyn otbasylyq emhanaǵa qaralǵanymen, sapaly em-dom ala almaı júr. Aıadaı ǵana bólmelerde kún saıyn kezek jetip artylady.
«О́tken jyldan bastap otbasylyq emdeý ortalyqtary ashylyp, 3-shi jáne 2-shi emhanalar janynda jumys isteıdi. “Bereke” yqsham aýdany turǵyndarynyń bir bóligi sońǵy atalǵan mekeme qyzmetine júgingen. Biraq qatynaýdyń qıyndyǵyna, jer shalǵaılyǵyna baılanysty shaǵymdar kóbeıip ketti. Qazir olardyń turǵylyqty meken-jaılarda qaralýyn qarastyryp jatyrmyz. Osy ózekti máseleni sheshý úshin taǵy bir otbasylyq emdeý nysany qoldanysqa beriledi», deıdi densaýlyq saqtaý basqarmasynyń basshysy Tımýr Sultanǵazıev.
Ol BAQ ókilderimen kezdesý barysynda qaladaǵy emdeý mekemeleri biriktiriletinin atap ótti. Aıtýynsha byltyr teri-venerologııalyq dıspanser oblystyq aýrýhanamen qosylǵan. Osy ispetti ońtaılandyrý bıyl da jalǵaspaq. Jospar boıynsha onkologııalyq, kardıologııalyq jáne perınataldyq ortalyqtar qosylady.
О́ńirdiń bas dárigeri resýrstardy utymdy paıdalanylady, eń bastysy, kadrlyq áleýet, tehnıkalyq baza tıimdi jumys isteıdi degen senimin jasyrmady.
О́mir ESQALI,
«Egemen Qazaqstan»
Soltústik Qazaqstan oblysy